ٹرمپ دور میں پاکستان کی سفارتی کامیابیوں پر فارن پالیسی کی رپورٹ
Web Desk
8 December 2025
امریکی جریدے فارن پالیسی نے رپورٹ دی ہے کہ صدر ڈونلڈ ٹرمپ کے دور میں پاکستان نے غیر معمولی سفارتکاری کے ذریعے واشنگٹن میں اپنی سب سے مضبوط پوزیشن حاصل کی۔ رپورٹ میں کہا گیا ہے کہ پاکستان نے وزیر اعظم شہباز شریف اور فیلڈ مارشل عاصم منیر کے ساتھ تاریخی سطح کی قربت قائم کی اور کابل حملے کے ماسٹر مائنڈ کی گرفتاری میں فیصلہ کن کردار ادا کرکے صدر ٹرمپ کا مکمل اعتماد جیت لیا۔
فارن پالیسی کے مطابق اسلام آباد کی ذہین سفارتکاری نے پاک-امریکہ تعلقات کو نئی بلندی دی، اور ریکو ڈِک کی بحالی سے دنیا کو یہ پیغام ملا کہ پاکستان مغربی سرمایہ کاری کے لیے ایک قابل اعتماد شراکت دار ہے۔
رپورٹ میں مزید کہا گیا کہ پاکستان نے کرپٹو فریم ورک میں شفاف اور جدید ماڈل پیش کر کے ٹرمپ انتظامیہ کے ساتھ تعاون کو نئی رفتار دی۔ صدر ٹرمپ نے پاک-بھارت کشیدگی کے دوران پاکستان کی مؤثر سفارتکاری کو سراہا اور جنگ بندی میں پاکستان کا کریڈٹ کھلے عام تسلیم کیا۔
امریکی رویے میں تبدیلی کا بھی ذکر کرتے ہوئے فارن پالیسی نے کہا کہ بھارت کے ساتھ سرد رویہ اور پاکستان کے ساتھ گرم تعلقات نے اسلام آباد کی سفارتی کامیابی کو واضح طور پر نمایاں کیا۔ پاکستان نے امریکہ کو یہ پیغام دیا کہ تعلقات اپنی میرٹ پر ہوں گے، کسی تیسرے ملک کے تناظر میں نہیں۔
رپورٹ میں مزید کہا گیا کہ خطے میں امن و استحکام کے لیے صدر ٹرمپ نے پاکستان کو اپنی مشرق وسطیٰ حکمت عملی کا لازمی ستون قرار دیا۔ مستقبل میں پاکستان کا کردار کرٹیکل منرلز، خطے کے امن اور عالمی توانائی استحکام میں مرکزی عنصر بنتا جا رہا ہے۔
فارن پالیسی کے مطابق ٹرمپ حکومت کے دور میں پاکستان کے ساتھ کرپٹو، توانائی، انسداد دہشت گردی اور منرلز میں تعاون تیزی سے بڑھا، اور امریکہ کا پاکستان پر تنقیدی لہجہ کم جبکہ اعتماد بڑھا، جو اسلام آباد کی کامیاب سفارتکاری کا نتیجہ ہے۔
آخر میں رپورٹ میں کہا گیا کہ پاکستان نے قیادت، وژن اور سفارتی حکمت کے امتزاج سے واشنگٹن میں اپنی پوزیشن غیر معمولی طور پر مضبوط بنائی
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026