کے ٹو ایئرویز طیارہ حادثہ: تلاش کے لیے بحری و فضائی آپریشن تیز، کراچی میں ایئرلائن کے دفاتر سیل
Web Desk
8 July 2026
کے ٹو ایئرویز کے لاپتا طیارے کی تلاش کے لیے فضائی اور بحری کارروائیاں تیز کر دی گئی ہیں، جبکہ دوسری جانب واقعے کی باقاعدہ تحقیقات کا آغاز کرتے ہوئے ایئرلائن کے دفاتر کو سیل کر دیا گیا ہے۔
تفصیلات کے مطابق، لاپتا طیارے کی تلاش کے لیے متعدد بحری اور فضائی وسائل سرچ اینڈ ریسکیو آپریشن میں حصہ لے رہے ہیں۔ متعلقہ ادارے اس مشترکہ آپریشن میں مصروف ہیں، جس میں پاک بحریہ، پاک فضائیہ اور مرچنٹ ویسل (تجارتی جہاز) مشترکہ طور پر حصہ لے رہے ہیں۔ ریسکیو ٹیموں کی جانب سے متاثرہ علاقے میں سرچ آپریشن بلا تعطل جاری ہے۔
دوسری جانب، طیارہ حادثے کے معاملے پر ‘بیورو آف سیفٹی انویسٹیگیشن’ نے باقاعدہ تحقیقات کا آغاز کر دیا ہے۔ پاکستان سول ایوی ایشن اتھارٹی (پی اے اے) کے ذرائع کے مطابق، کے ٹو ایئرویز کے کراچی میں جناح انٹرنیشنل ایئرپورٹ پر واقع دفاتر کو سیل کر دیا گیا ہے۔ ذرائع کا کہنا ہے کہ ایئرپورٹ کے چوتھے لیول پر واقع دو دفاتر کو سیل کیا گیا ہے، اور اس اقدام کا بنیادی مقصد یہ ہے کہ طیارے اور ایئرلائن سے متعلق کوئی بھی اہم ریکارڈ چوری یا ضائع نہ ہو سکے
کراچی آرنے والے کے ٹو ایئرویز کے ایک کارگو طیارے کا ایئر ٹریفک کنٹرول (ATC) سے رابطہ منقطع ہو گیا ہے، جس کے بعد انتظامیہ نے باقاعدہ اعلامیہ جاری کر دیا ہے۔ کمپنی کے مطابق، کے ٹو ایئر کارگو کا بوئنگ 737 طیارہ (رجسٹریشن نمبر: AP-BOI) شارجہ سے کراچی آ رہا تھا کہ گزشتہ رات 9:21 بجے اس کا ایئر ٹریفک کنٹرول سے رابطہ ٹوٹ گیا۔ طیارے میں عملے کے 5 ارکان سوار تھے، جن میں پائلٹ محمد رضوان ادریس، فرسٹ افسر فیصل محمود، لوڈ ماسٹر محمد توفیق خان، اور انجینئرز عارف صدیقی اور محمد حامد شامل ہیں۔ کمپنی اعلامیے میں بتایا گیا ہے کہ لاپتہ طیارے کی تلاش کے لیے متعلقہ اداروں کی جانب سے سرچ اینڈ ریسکیو آپریشن شروع کر دیا گیا ہے، جبکہ کے ٹو ایئرویز اس سلسلے میں پاکستان سول ایوی ایشن اتھارٹی (CAA) اور دیگر سرکاری اداروں کے ساتھ بھرپور تعاون کر رہی ہے۔
متعلقہ عنوانات
نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب
18 November 2026
امریکی سینیٹ کمیٹی نے نئے امریکی جوہری بم بی 94 کا نام ظاہر کردیا
18 November 2026
امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند
18 November 2026
روس کا فوجی مال بردار طیارہ سائبیریا میں گر کر تباہ، 19 افراد ہلاک
18 November 2026
پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن
18 November 2026
دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ
18 November 2026
عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ
18 November 2026
روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ
18 November 2026