پاکستان پیپلز پارٹی اور استحکام پاکستان پارٹی کے درمیان حکومت سازی کے معاملات طے پا گئے۔

گلگت میں پاکستان پیپلز پارٹی (PPP) اور استحکامِ پاکستان پارٹی (IPP) کے درمیان حکومت سازی کے تمام معاملات باضابطہ طور پر طے پا گئے ہیں۔ اس اہم سیاسی پیش رفت کے بعد پاکستان پیپلز پارٹی کی مرکزی و صوبائی قیادت نے استحکامِ پاکستان پارٹی کی مرکزی و صوبائی قیادت کے ہمراہ ایک مشترکہ پریس کانفرنس کی ہے۔

اس موقع پر پاکستان پیپلز پارٹی کی جانب سے مرکزی جنرل سیکریٹری سید نیر حسین بخاری، سینیئر رہنما قمر زمان کائرہ اور پی پی پی گلگت بلتستان کے صوبائی صدر و نامزد امیدوار برائے وزیراعلیٰ امجد حسین ایڈوکیٹ نے آئی پی پی کی قیادت کا شکریہ ادا کیا اور حکومت سازی کے عمل میں ان کے مکمل تعاون کو سراہا۔