محسن نقوی کی ایرانی وزیر خارجہ سے ملاقات، امریکا سے معاہدے کی صورتحال پر گفتگو
Web Desk
20 June 2026
تہران: وفاقی وزیر داخلہ محسن نقوی نے تہران میں ایرانی وزیر خارجہ عباس عراقچی اور ایرانی وزیر داخلہ سکندر مومنی سے الگ الگ اہم ملاقاتیں کی ہیں، جن میں امریکا اور ایران کے درمیان ہونے والے حالیہ معاہدے کے تناظر میں خطے کی مجموعی اور بدلتی ہوئی صورتحال پر تفصیلی تبادلہ خیال کیا گیا۔ وزارت داخلہ کی جانب سے جاری کردہ اعلامیے کے مطابق، تہران آمد پر ایرانی وزیر داخلہ سکندر مومنی نے محسن نقوی کا پرتپاک استقبال کیا، جس کے بعد دونوں رہنماؤں کے مابین وفود کی سطح پر ملاقات ہوئی جس میں علاقائی امن و امان اور دوطرفہ سکیورٹی امور پر گفتگو کی گئی۔
ملاقاتوں کے دوران پاک ایران قیادت نے امریکا اور ایران کے مابین ہونے والے نئے معاہدے کو خطے میں پائیدار امن، استحکام اور کشیدگی میں کمی کے لیے ایک انتہائی مثبت پیش رفت قرار دیا۔ سفارتی ذرائع کے مطابق، ایران کے چیف مذاکرات کار اور وزیر خارجہ عباس عراقچی آج رات ایک اہم مشن پر سوئٹزرلینڈ روانہ ہو رہے ہیں جہاں وہ معاہدے کے فریقِ ثانی سے اہم ملاقات کریں گے، اور اس موقع پر پاکستان کے وفاقی وزیر داخلہ محسن نقوی بھی ان کے ہمراہ ہوں گے۔
ایران کی وزارت خارجہ کے ترجمان نے اس حوالے سے بتایا کہ سوئٹزرلینڈ میں ہونے والی اس بیٹھک کا بنیادی مقصد طے پانے والے معاہدے پر عمل درآمد کے طریقہ کار کا جائزہ لینا اور دوسرے فریق کی سنجیدگی کو پرکھنا ہے۔ ترجمان کا مزید کہنا تھا کہ ایرانی وفد فریقِ ثانی کے سامنے اپنے مطالبات اور وعدوں پر عملدرآمد کا معاملہ اٹھائے گا اور معاہدے پر ایران کے اصولی مؤقف کو واضح کرے گا۔ خطے کی حالیہ تزویراتی صورتحال کے تناظر میں وزیر داخلہ محسن نقوی اور ایرانی وزیر خارجہ کے اس مشترکہ دورۂ سوئٹزرلینڈ کو عالمی سفارت کاری میں انتہائی اہم قرار دیا جا رہا ہے۔
متعلقہ عنوانات
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026