بھارت کی آزاد کشمیر میں امن تباہ کرنے کی کوشش ناکام ہو گئی: خواجہ آصف
Web Desk
20 June 2026
اسلام آباد: وفاقى وزیر دفاع خواجہ محمد آصف نے کہا ہے کہ آزاد کشمیر میں امن و امان کی صورتحال کو تباہ کرنے کی بھارتی کوششیں مکمل طور پر ناکام ہو گئی ہیں اور اب وقت آ گیا ہے کہ ملک سے دہشت گردی کے جڑ سے خاتمے کے لیے ایک ہو کر فیصلہ کن جنگ لڑی جائے۔ پارلیمنٹ ہاؤس میں میڈیا سے گفتگو کرتے ہوئے وزیر دفاع نے بنوں میں پیش آنے والے دہشت گردی کے افسوسناک واقعے کی شدید مذمت کی اور معصوم شہریوں کی شہادت پر گہرے دکھ کا اظہار کیا۔ انہوں نے زور دیا کہ اس ناسور کو ہمیشہ کے لیے ختم کرنے کے لیے پوری قوم اور تمام اداروں کو اتحاد کا مظاہرہ کرنا ہو گا۔
خواجہ آصف نے واضح الفاظ میں الزام عائد کیا کہ پاکستان میں ہونے والی دہشت گردی کے پیچھے براہِ راست بھارت اور افغانستان ملوث ہیں۔ ان کا کہنا تھا کہ گزشتہ سال عبرتناک شکست کا سامنا کرنے کے بعد اب افغانستان بھی بھارت کے ساتھ گٹھ جوڑ کر کے پاکستانی دھرتی پر دہشت گردی کو فروغ دے رہا ہے۔ وزیر دفاع نے کہا کہ پاکستان کے تمام صوبوں بشمول آزاد کشمیر میں امن کی فضا قائم کرنا حکومت کی اولین ترجیح ہے؛ آزاد کشمیر میں چند ایسے عناصر کارفرما ہیں جو بھارت کے ایما پر کشمیریوں کی لازوال قربانیوں کو فراموش کر رہے ہیں۔ انہوں نے یاد دلایا کہ مقبوضہ کشمیر میں آج بھی بھارتی مظالم کا سلسلہ عروج پر ہے اور وہاں کی حقیقی حریت قیادت جیلوں میں سختیاں جھیل رہی ہے، جس کے باوجود دشمن کی کسی بھی سازش کو پاکستان میں کامیاب نہیں ہونے دیا جائے گا۔
متعلقہ عنوانات
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بچوں کے استحصال میں ملوث افراد کیلئے نیا ایکٹ لائیں گے: مریم نواز
18 November 2026
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026