آئندہ 24 گھنٹوں کے دوران گرج چمک کے ساتھ بارش اور ژالہ باری کی پیشگوئی
Web Desk
16 May 2026
نیشنل ڈیزاسٹر مینجمنٹ اتھارٹی (NDMA) نے آئندہ 12 سے 24 گھنٹوں کے دوران ملک کے بیشتر حصوں میں تیز ہواؤں، گرج چمک کے ساتھ موسلا دھار بارش اور بعض مقامات پر ژالہ باری (Hailstorm) کا الرٹ جاری کر دیا ہے۔ اس کے ساتھ ہی، درجہ حرارت میں حالیہ اضافے اور مسلسل بارشوں کے باعث گلیشیئرز پگھلنے، جھیلوں کے پھٹنے (GLOF)، سیلابی ریلوں اور پہاڑی علاقوں میں لینڈ سلائیڈنگ کے شدید خدشات کا بھی اظہار کیا گیا ہے۔ ترجمان این ڈی ایم اے کے مطابق اسلام آباد، پنجاب، خیبرپختونخوا، گلگت بلتستان، آزاد کشمیر اور سندھ کے مختلف اضلاع میں بادل گرجیں گے، جبکہ چند مقامات پر تیز ہواؤں کے ساتھ ژالہ باری کا بھی امکان ہے۔
محکمہ موسمیات نے بلوچستان کے مختلف حصوں، بشمول شیرانی، مستونگ، بارکھان، قلعہ عبداللہ، قلعہ سیف اللہ، ژوب اور زیارت میں بھی طوفانی ہواؤں اور گرج چمک کے ساتھ بارش کی پیشگوئی کی ہے۔ شدید موسمی صورتحال کے پیشِ نظر این ڈی ایم اے نے بالخصوص پہاڑی اور ندی نالوں کے قریبی علاقوں کے رہائشیوں اور سیاحوں کو الرٹ رہنے کی تاکید کی ہے۔ شہریوں کو سختی سے ہدایت کی گئی ہے کہ وہ غیر ضروری سفر سے گریز کریں، مقامی انتظامیہ اور متعلقہ اداروں کی ہدایات پر عمل کریں اور کسی بھی ہنگامی صورتحال سے بچنے کے لیے موسمی اپ ڈیٹس پر نظر رکھیں۔
متعلقہ عنوانات
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026