وزیراعظم سے چین کے کاروباری وفد کی ملاقات، دوطرفہ تعاون پر اظہار اطمینان
Web Desk
15 May 2026
وزیراعظم محمد شہباز شریف سے آئی بی آئی (IBI) بیجنگ یونائیٹڈ ٹیکنالوجی کے بانی اور صدر چیان شیاو جون کی قیادت میں 11 رکنی اعلیٰ سطح کے چینی کاروباری وفد نے وزیراعظم ہاؤس میں اہم ملاقات کی۔ اس ملاقات میں پاکستان میں ڈیجیٹل معیشت کی ترقی اور صنعتی تعاون پر تفصیلی گفتگو کی گئی۔
وزیراعظم نے آئی بی آئی گروپ کی جانب سے پاکستان میں اپنا ڈیجیٹل اکانومی ہیڈکوارٹر قائم کرنے کے فیصلے کا خیرمقدم کیا۔ انہوں نے کہا کہ یہ اقدام پاکستان کی ڈیجیٹل معیشت، سرمایہ کاری اور صنعتی اشتراک کے لیے نہایت حوصلہ افزا ثابت ہوگا۔وزیراعظم نے صدر شی جن پنگ کی قیادت میں چین کی معاشی ترقی کو سراہا اور کہا کہ وہ رواں ماہ کے آخر میں اپنے دورۂ چین کے منتظر ہیں، جس سے دونوں ممالک کے برادرانہ تعلقات مزید مضبوط ہوں گے۔ آئی بی آئی کے صدر چیان شیاو جون نے پاکستانی معیشت پر بھرپور اعتماد کا اظہار کرتے ہوئے کہا کہ ان کا گروپ پاکستان کے چھوٹے اور درمیانے درجے کے کاروباری اداروں کو چینی مارکیٹ تک رسائی فراہم کرے گا، جس سے ملکی برآمدات میں اضافہ ہوگا۔ یہ دورہ ستمبر 2025 میں وزیراعظم کے دورۂ بیجنگ کے دوران منعقدہ ‘پاکستان-چین بزنس ٹو بزنس سرمایہ کاری کانفرنس’ کے تسلسل کی ایک کڑی ہے، جس کا مقصد عملی طور پر سرمایہ کاری کو پاکستان لانا ہے۔ ملاقات میں وفاقی وزیرِ سرمایہ کاری قیصر احمد شیخ، وزیرِ تجارت جام کمال خان، وزیرِ آئی ٹی شزہ فاطمہ خواجہ، وزیرِ پیٹرولیم علی پرویز ملک، معاونِ خصوصی ہارون اختر، طارق فاطمی اور دیگر اعلیٰ حکام نے شرکت کی۔
متعلقہ عنوانات
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026