محسن نقوی کی امریکی نائب وزیر خارجہ سے ملاقات، تعلقات مضبوط بنانے پر اتفاق
Web Desk
15 May 2026
وفاقی وزیر داخلہ محسن نقوی سے امریکہ کے نائب وزیر خارجہ برائے جنوبی و وسطی ایشیائی امور پال کپور نے ملاقات کی، جس میں پاک امریکہ تعلقات، سیکیورٹی تعاون اور مشرقِ وسطیٰ کی موجودہ صورتحال پر تفصیلی تبادلہ خیال کیا گیا۔ ملاقات میں وزیر مملکت برائے داخلہ طلال چوہدری، وفاقی سیکرٹری داخلہ اور قائم مقام امریکی سفیر نیٹلی بیکر بھی شریک تھے۔ ملاقات کے دوران دونوں ممالک نے انسدادِ دہشت گردی اور انسدادِ منشیات کے شعبوں میں تعاون بڑھانے کے امکانات پر غور کیا۔ وزیر داخلہ محسن نقوی نے اس بات پر زور دیا کہ پاکستان میں کام کرنے والی غیر ملکی کمپنیوں، بالخصوص ریکوڈک منصوبے پر مامور امریکی کمپنیوں کو فول پروف سیکیورٹی فراہم کی گئی ہے۔ انہوں نے پاکستان اور امریکہ کے درمیان براہِ راست پروازوں کے جلد آغاز کی خواہش کا اظہار کرتے ہوئے کہا کہ اس سے دوطرفہ عوامی اور تجارتی روابط میں اضافہ ہوگا۔محسن نقوی نے اپنے گفتگو میں کہا کہ صدر ڈونلڈ ٹرمپ کے موجودہ دور میں پاک امریکہ تعلقات مزید مضبوط ہوئے ہیں اور یہ تعلقات باہمی اعتماد اور دوطرفہ تعاون پر مبنی ہیں۔ انہوں نے مشرقِ وسطیٰ کے تنازعے کے پُرامن اور دیرپا حل کی امید بھی ظاہر کی۔ امریکی نائب وزیر خارجہ پال کپور نے خطے میں امن و استحکام کے لیے پاکستان کے کلیدی کردار کی تعریف کی اور دونوں ممالک کے درمیان دوطرفہ تعاون کو مزید وسعت دینے کے عزم کا اعادہ کیا۔ انہوں نے مختلف شعبوں میں پاکستان کی کوششوں کو سراہتے ہوئے مستقبل میں مضبوط شراکت داری کی امید ظاہر کی۔
متعلقہ عنوانات
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026