190 ملین پاؤنڈ کیس: عمران خان اور بشریٰ بی بی کے وکلا کو دلائل دینے کیلئے مہلت
Web Desk
15 May 2026
اسلام آباد: اسلام آباد ہائیکورٹ میں 190 ملین پاؤنڈ کیس کی اپیلوں پر سماعت کے دوران اہم پیش رفت ہوئی ہے، جہاں عدالت نے بانی پی ٹی آئی اور بشریٰ بی بی کے وکلا کو دلائل مکمل کرنے کے لیے 20 مئی تک کی آخری اور حتمی مہلت دے دی ہے۔
چیف جسٹس سرفراز ڈوگر اور جسٹس محمد آصف پر مشتمل دو رکنی بینچ نے اس حوالے سے تحریری حکم نامہ جاری کر دیا ہے۔ حکم نامے کے مطابق، دفاعی وکیل سلمان صفدر نے اپنے موکلین سے ہدایات لینے کی بنیاد پر سماعت ملتوی کرنے کی استدعا کی تھی، جس کی نیب (NAB) کے پراسیکیوٹرز نے سخت مخالفت کی۔ عدالت نے اپنے تحریری حکم میں عدم اطمینان کا اظہار کرتے ہوئے کہا کہ گزشتہ سماعت پر تمام فریقین کو دلائل کے لیے تیار رہنے کی ہدایت کی گئی تھی، لیکن آج کی سماعت میں ٹھوس دلائل کے بجائے “کمزور وجوہات” کی بنا پر التوا مانگا گیا۔ عدالت نے واضح کیا کہ چونکہ مرکزی اپیلیں خود سلمان صفدر کی جانب سے دائر کی گئی تھیں، اس لیے وہ کیس کی حساسیت سے واقف ہیں۔ عدالت نے قرار دیا کہ کیس کی اہمیت کے پیش نظر وکیل صفائی کو ایک آخری موقع دیا جا رہا ہے۔ حکم نامے میں ہدایت کی گئی ہے کہ سلمان صفدر تمام ضروری قانونی تیاری مکمل کریں اور 20 مئی کو ہونے والی آئندہ سماعت پر ہر صورت اپیلوں پر باقاعدہ دلائل دیں۔
متعلقہ عنوانات
سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا
19 November 2026
افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی
19 November 2026
فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور
19 November 2026
دھی رانی پروگرام: خانیوال میں 182 جوڑوں کی اجتماعی شادیاں
19 November 2026
روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
بھارتی پروازوں کیلئے پاکستانی فضائی حدود کی بندش میں توسیع، نوٹم جاری
19 November 2026
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026