دسمبر 2026 تک سرکاری افسران کے اثاثے پبلک کرنے کا فیصلہ

سرکاری افسران کے اثاثے دسمبر 2026 سے عوام کیلئے پبلک کرنے کا فیصلہ کر لیا گیا ہے۔ اس حوالے سے سینیٹ کی قائمہ کمیٹی برائے خزانہ کو بریفنگ میں اہم پیشرفت سے آگاہ کیا گیا۔

بریفنگ میں اسٹیبلشمنٹ ڈویژن کے حکام نے بتایا کہ سرکاری افسران اپنے اثاثے ڈیجیٹل نظام کے تحت ظاہر کریں گے اور اس مقصد کیلئے فیڈرل بورڈ آف ریونیو کا آئی ٹی نظام استعمال کیا جائے گا۔

حکام کے مطابق اثاثوں کے ڈیجیٹل ڈیٹا میں غیر معمولی اضافہ یا مشکوک تبدیلی پر خودکار طور پر ریڈ فلیگ جاری کیا جائے گا تاکہ شفافیت کو یقینی بنایا جا سکے۔ مزید بتایا گیا کہ اثاثوں کا ایک حصہ عوامی رسائی کیلئے بھی دستیاب ہوگا۔

اجلاس کی صدارت سینیٹر سلیم مانڈوی والا نے کی جس میں اس بات پر زور دیا گیا کہ سرکاری نظام میں شفافیت اور احتساب کو مزید مؤثر بنایا جائے۔