پاکستان ویمن کی زمبابوے کے خلاف کامیابی، دوسرے میچ میں 67 رنز سے شکست دے کر سیریز اپنے نام کرلی

پاکستان ویمن نے دوسرے ٹی ٹوئنٹی میچ میں زمبابوے ویمن کرکٹ ٹیم کو 67 رنز سے شکست دے کر تین میچوں کی سیریز میں صفر، دو کی فیصلہ کن برتری حاصل کرلی۔

کراچی میں کھیلے گئے میچ میں پاکستان ویمن ٹیم نے پہلے بیٹنگ کرتے ہوئے چار وکٹوں کے نقصان پر 170 رنز بنائے۔ نوجوان بیٹر ایمان فاطمہ نے جارحانہ کھیل پیش کرتے ہوئے 43 گیندوں پر 79 رنز کی شاندار اننگز کھیلی، جس میں 10 چوکے اور 4 چھکے شامل تھے۔

اوپنر منیبہ علی نے بھی ذمہ دارانہ بیٹنگ کا مظاہرہ کرتے ہوئے 36 رنز اسکور کیے۔ زمبابوے کی جانب سے مابھیرو، میرینج اور ماوونگا نے ایک، ایک وکٹ حاصل کی۔

ہدف کے تعاقب میں زمبابوے ویمن ٹیم مقررہ اوورز میں آٹھ وکٹوں کے نقصان پر 103 رنز ہی بناسکی۔ پاکستان کی جانب سے نشرہ سندھو نے عمدہ بولنگ کرتے ہوئے دو کھلاڑیوں کو آؤٹ کیا۔

اس کامیابی کے ساتھ پاکستان ویمن ٹیم نے تین میچوں کی سیریز میں ناقابل شکست برتری حاصل کرلی ہے۔