وزیراعظم کی رواں برس مون سون کے لئے پیشگی تیاری کی ہدایت

وزیراعظم محمد شہباز شریف نے رواں برس مون سون کے سیزن کے دوران ممکنہ آفات سے نمٹنے کے لیے متعلقہ حکام کو پیشگی تیاریوں کی سخت ہدایت جاری کر دی ہے۔ وفاقی وزیرِ موسمیاتی تبدیلی ڈاکٹر مصدق مسعود ملک سے ہونے والی ملاقات میں وزیراعظم کو مون سون کی تیاریوں اور پہاڑی علاقوں میں گلیشیئل لیک آؤٹ برسٹ فلڈ (GLOF) اور فلیش فلڈز سے متعلق پیشگی اطلاع کے نظام (Early Warning System) کی تنصیب پر بریفنگ دی گئی۔ وزیراعظم نے تاکید کی کہ پیشگی اطلاع کے نظام کو مزید فعال بنایا جائے اور سیلاب کے خطرات سے دوچار علاقوں کی مسلسل مانیٹرنگ کو ہر صورت یقینی بنایا جائے تاکہ جانی و مالی نقصان سے بچا جا سکے۔