جنگ کے خاتمےکےلیے پاکستانی کوششوں کی حمایت کرتے ہیں، ترکیہ اور قطر کااتفاق

قطری وزیراعظم عبدالرحمان بن جاسم الثانی اور ترک وزیرخارجہ حاقان فیدان کی دوحہ میں ملاقات ہوئی جس میں  ایران جنگ کے باعث خطے کی صورتحال پربات چیت کی گئی۔

ملاقات کے بعد پریس کانفرنس میں قطری وزیر اعظم   نےکہا کہ قطر  اور ترکیے جنگ کے خاتمے میں پاکستان کی ثالثی کی کوششوں کی حمایت کرتے ہیں، ایران کے ساتھ سفارت کاری کے ذریعے مسائل حل کرنا چاہتے ہیں۔

قطری وزیر اعظم کا کہنا تھا کہ قطر خطے میں امن بحال کرنےکے لیے خلیجی ریاستوں کے ساتھ مشاورت جاری رکھےگا، جنگ کے خاتمےکے لیے بیک ڈور مذاکرات کو جاری  رہنا چاہیے۔

اس موقع پر ترک وزیر خارجہ نے کہا کہ میں آبنائے ہرمز کو  بطور  ہتھیار  استعمال نہیں کیا جانا چاہیے، دنیا اورخطے میں عدم استحکام کے علاوہ  اس جنگ سے کچھ حاصل نہیں ہوا، ایران کے خلاف جنگ ختم کرانے کے  لیے پاکستان کی ثالثی کوششوں کی حمایت کرتے ہیں۔