پاک ایران فضائی سفر 60 دن بعد بحال، تہران اسلام آباد کی پروازیں شروع

ایران پر امریکہ اور اسرائیل کے حملوں کے نتیجے میں پیدا ہونے والی کشیدگی کے 60 دن بعد پاکستان اور ایران کے درمیان فضائی رابطہ دوبارہ بحال ہو گیا ہے۔ 26 فروری 2026 کو معطل ہونے والے آپریشن کے بعد، تہران سے ‘مہان ایئر’ کی پہلی کمرشل پرواز W5-1185 مسافروں کو لے کر اسلام آباد انٹرنیشنل ایئرپورٹ پہنچ گئی۔ فضائی حدود کی بندش اور سیکیورٹی خدشات کے باعث دو ماہ تک یہ روٹ بند رہا، جس سے زائرین اور کاروباری افراد کو شدید مشکلات کا سامنا تھا۔ حکام کے مطابق، اس روٹ پر اگلی پرواز 7 مئی کو شیڈول کی گئی ہے، جس سے دونوں ممالک کے درمیان سفری سہولیات مکمل طور پر معمول پر آنے کی توقع ہے۔