صدر پیوٹن کی 9 مئی کو یوکرین کے ساتھ عارضی جنگ بندی کی پیشکش

روسی صدر ولادی میر پیوٹن نے 9 مئی کے موقع پر یوکرین کے ساتھ عارضی جنگ بندی کی پیشکش کر دی ہے۔ 9 مئی کو روس میں نازی جرمنی پر سوویت یونین کی فتح کے دن کے طور پر منایا جاتا ہے۔
روسی صدر کے سفارتی مشیر کے مطابق صدر پیوٹن نے امریکی صدر سے گفتگو کے دوران تجویز دی کہ یومِ فتح کی تقریبات کے دوران جنگ کو عارضی طور پر روک دیا جائے تاکہ اس دن کو پرامن ماحول میں منایا جا سکے۔
رپورٹ کے مطابق اس تجویز پر امریکی صدر نے مثبت ردعمل دیتے ہوئے کہا کہ نازی جرمنی پر فتح کا دن ایک مشترکہ تاریخی دن ہے۔