امریکا نے مزید مذاکرات کی درخواست کی جس پر غور کررہے ہیں: عباس عراقچی

ایران کے وزیر خارجہ عباس عراقچی نے انکشاف کیا ہے کہ امریکا نے ایران کے ساتھ مزید مذاکرات کے لیے باضابطہ درخواست کی ہے، جس پر تہران فی الوقت غور کر رہا ہے۔ سینٹ پیٹرز برگ میں میڈیا سے گفتگو کرتے ہوئے ایرانی وزیر خارجہ کا کہنا تھا کہ ایران ایک عالمی سپر پاور کے سامنے پوری قوت کے ساتھ ڈٹ کر کھڑا ہے اور واشنگٹن اب تک اپنے سیاسی و تزویراتی مقاصد میں سے ایک بھی حاصل کرنے میں کامیاب نہیں ہو سکا، یہی وجہ ہے کہ اب وہ دوبارہ مذاکرات کی میز پر آنے کی کوشش کر رہے ہیں۔ عباس عراقچی نے اس موقع پر روس کے ساتھ تعلقات کو سراہتے ہوئے کریملن کا شکریہ ادا کیا اور واضح کیا کہ حالیہ جنگی صورتحال نے ثابت کر دیا ہے کہ مشکل وقت میں روس جیسا عظیم ملک ایران کا بہترین دوست اور مضبوط اتحادی ہے۔