اداکارہ میرا کے والد کو ہارٹ اٹیک، حالت تشویشناک

معروف اداکارہ میرا کے والد کو دل کا شدید دورہ پڑنے کے بعد فوری طور پر نجی اسپتال منتقل کر دیا گیا ہے جہاں ان کی حالت تشویشناک بتائی جا رہی ہے۔

اداکارہ میرا کے مطابق ان کے والد کو سنگین نوعیت کا ہارٹ اٹیک ہوا ہے اور ڈاکٹروں نے بتایا ہے کہ دل کی تین شریانیں بند ہیں۔

میرا نے بتایا کہ والد کے تین آپریشنز کیے جائیں گے جبکہ پہلا آپریشن آئندہ ہفتے متوقع ہے۔

انہوں نے مداحوں سے اپیل کی ہے کہ ان کے والد کی صحت یابی کے لیے خصوصی دعائیں کریں۔

اداکارہ کے بیان کے بعد اہل خانہ اور مداحوں میں شدید تشویش پائی جا رہی ہے۔