سفارتی میدان میں ہونے والی پیش رفت پر نظررکھے ہوئے ہیں، ایرانی وزارت خارجہ

ایرانی وزارتِ خارجہ کے ترجمان اسماعیل بقائی کا کہنا ہے کہ پاکستان کی جانب سے جنگ بندی کی درخواست کے بعد ایران سیاسی وسفارتی میدان میں ہونے والی پیش رفت پر قریب سے نظر رکھے ہوئے ہے۔

ایران کے سرکاری خبر رساں ادارے ارنا کے مطابق اسماعیل بقائی کا کہنا ہے کہ ایران اپنے قومی مفادات اور سلامتی کے تحفظ کے لیے ضروری اور مناسب اقدامات کرے گا۔

واشنگٹن کے ساتھ مزید مذاکرات کے امکان پر بات کرتے ہوئے اسماعیل بقائی کا کہنا تھا کہ سفارت کاری قومی مفادات اور سلامتی کے تحفظ کا ایک ذریعہ ہے اور معقول حالات میں ضرورت پڑنے پر ہم اسے استعمال کریں گے۔

گذشتہ شب امریکی صدر ڈونلڈ ٹرمپ نے اعلان کیا تھا کہ وہ پاکستان کی درخواست پر جنگ بندی میں توسیع کر رہے ہیں۔