فرانسیسی صدرکا امریکی و ایرانی صدور سے رابطہ، غلط فہمیاں دورکرنے کا مطالبہ

فرانسیسی صدر ایمانوئیل میکرون کا کہنا ہےکہ انہوں نےامریکا اور ایران کے صدور سے ٹیلی فون پر بات چیت کی اور دونوں صدور سے غلط فہمیاں دورکرنےکا مطالبہ کیا۔
سوشل میڈیاپر جاری بیان میں میکرون کا کہنا تھا کہ انہوں نے نئی جنگ سے بچنےکے لیے مذاکرات کا عمل شروع کرنےکا مطالبہ کیا، تمام فریق لبنان سمیت علاقے بھر میں جنگ بندی کی پاسداری کریں، آبنائے ہرمز کو غیر مشروط طورپر فیس یا ٹیکس عائد کیے بغیر جلد دوبارہ کھولنا چاہیے۔

فرانسیسی صدرکاکہناتھاکہ متحارب فریقوں کےدرمیان مذاکرات جلد از جلد بحال ہونے چاہئیں، فرانس آبنائے ہرمز میں جہاز رانی کی بحالی کے لیے جمعےکو کانفرنس کا انعقاد کرےگا،کانفرنس میں کوئی متحارب فریق شرکت نہیں کرےگا۔