ایران کی نئی قیادت سے متعلق علم ہے، نام نہیں بتاؤں گا: صدر ٹرمپ

امریکی صدر ڈونلڈ ٹرمپ نے کہا ہے کہ انہیں بخوبی معلوم ہے کہ آیت اللہ خامنہ ای کے بعد ایران میں کون احکامات جاری کر رہا ہے، تاہم وہ اس شخصیت کا نام ظاہر نہیں کریں گے۔

امریکی ٹی وی کو دیے گئے ٹیلیفونک انٹرویو میں صدر ٹرمپ کا کہنا تھا کہ ایران میں اس وقت ایک ایسی شخصیت موجود ہے جو مؤثر انداز میں فیصلے کر رہی ہے۔ انہوں نے کہا کہ وہ جانتے ہیں کہ کون ذمہ داری سنبھالے ہوئے ہے لیکن اس مرحلے پر نام لینا مناسب نہیں سمجھتے۔

اس سوال پر کہ کیا وہ اس شخصیت کو ایران کی قیادت کرتے دیکھنا چاہتے ہیں، صدر ٹرمپ نے جواب دیا کہ ان کے خیال میں ایسا ممکن ہے اور کچھ اچھے امیدوار سامنے آ سکتے ہیں۔

دوسری جانب ایرانی سرکاری میڈیا آیت اللہ خامنہ ای کے جاں کی شہادت کی تصدیق کر چکا ہے جبکہ ایران میں 7 روزہ تعطیل اور 40 روزہ سوگ منایا جا رہا ہے۔