امریکا اور اسرائیل کا ایران پر حملہ، ایرانی قیادت نشانہ، 30 مقامات پر میزائل داغ دیئے

امریکہ اور اسرائیل نے ایران کے خلاف باقاعدہ مشترکہ فوجی آپریشن کا آغاز کر دیا ہے۔ تہران کے مرکز، مہرآباد ایئرپورٹ اور رہبرِ اعلیٰ آیت اللہ علی خامنہ ای کے دفاتر کے قریبی علاقوں کو میزائلوں سے نشانہ بنایا گیا ہے۔ قطری نشریاتی ادارے کے مطابق تہران میں شدید دھماکوں کے بعد دھوئیں کے بادل بلند ہو رہے ہیں اور ایرانی فضائی حدود مکمل بند کر دی گئی ہیں۔ رائٹرز کے مطابق آیت اللہ خامنہ ای کو حملوں کے فوری بعد محفوظ مقام پر منتقل کر دیا گیا ہے۔ دوسری جانب اسرائیل میں بھی ایمرجنسی نافذ کر کے شہریوں کو بنکرز میں منتقل ہونے کی ہدایت کر دی گئی ہے۔