ایران کو جوہری ہتھیار حاصل کرنے سے روکنے کیلئے سفارتی حل ترجیح ہے: امریکی نائب صدر

امریکی نائب صدر جے ڈی وینس نے دو ٹوک الفاظ میں واضح کیا ہے کہ ایران کو کسی صورت جوہری ہتھیار حاصل کرنے کی اجازت نہیں دی جائے گی۔ فاکس نیوز کو انٹرویو دیتے ہوئے انہوں نے کہا کہ ہماری ترجیح سفارتی حل ہے، لیکن اگر ایران مذاکرات کو سنجیدگی سے نہیں لیتا تو صدر ٹرمپ کے پاس دیگر سخت ذرائع بھی موجود ہیں۔ جے ڈی وینس کا کہنا تھا کہ ایرانی قیادت کو سمجھ لینا چاہیے کہ تصفیے کا واحد مقصد ایٹمی پروگرام کا خاتمہ ہے، بصورتِ دیگر امریکا اپنی مضبوط ترین فوج استعمال کرنے سے گریز نہیں کرے گا۔