صنعتوں اور سی این جی اسٹیشنز کیلئے سوئی سدرن گیس کی 48 گھنٹے بندش

کراچی: سوئی سدرن گیس کمپنی نے صنعتوں اور سی این جی سیکٹر کے لیے اڑتالیس گھنٹے کی گیس بندش کا اعلان کیا ہے، جو ہفتہ 31 جنوری صبح 8 بجے سے پیر 2 فروری صبح 8 بجے تک جاری رہے گی۔

گھریلو صارفین کو ہدایت کی گئی ہے کہ وہ کسی بھی شکایت کی صورت میں 24 گھنٹے فعال ہیلپ لائن 4229 پر رابطہ کریں۔ کمپنی کے مطابق گھریلو اور کمرشل صارفین کو رات 10 بجے سے صبح 5 بجے تک گیس کی فراہمی لوڈ مینجمنٹ کے تحت محدود رہے گی۔

ترجمان نے شہریوں اور صنعتکاروں سے درخواست کی ہے کہ وہ اس عارضی بندش کے دوران اپنی ضروریات اور پلاننگ کو مدنظر رکھیں تاکہ کسی قسم کی دشواری نہ ہو۔