پی ایس ایل 11 پلیئر آکشن 11 فروری کو ہوگا، اہم تفصیلات سامنے آگئیں

پاکستان کرکٹ بورڈ نے پی ایس ایل 11 پلیئر آکشن سے متعلق اہم فیصلوں کا اعلان کرتے ہوئے فرنچائز پرس، کھلاڑیوں کے معاہدوں اور آکشن کے طریقہ کار کی تفصیلات جاری کر دی ہیں۔

پی سی بی کے مطابق پی ایس ایل 11 کے لیے منتخب یا برقرار رکھے گئے کھلاڑیوں کے ساتھ دو سالہ معاہدہ کیا جائے گا، جبکہ پی ایس ایل 12 کے اختتام کے بعد گرینڈ آکشن منعقد کیا جائے گا، جس میں ہر فرنچائز کو پانچ کھلاڑی برقرار رکھنے کی اجازت ہوگی۔

بورڈ نے واضح کیا ہے کہ فرنچائزز ایک غیر ملکی کھلاڑی کو ڈائریکٹ سائن بھی کر سکیں گی۔ پی سی بی کے مطابق فرنچائز پرس 45 کروڑ روپے ہوگا، تاہم غیر ملکی کھلاڑی شامل کرنے کی صورت میں اسے بڑھا کر 50 کروڑ 50 لاکھ روپے تک کیا جا سکے گا۔

پی سی بی کے مطابق پی ایس ایل پلیئر آکشن اور بولی کا تمام عمل پاکستانی روپے میں ہوگا، جبکہ ٹاپ کیٹیگری اور دیگر کیٹیگریز کی بیس پرائسز بھی مقرر کر دی گئی ہیں۔

بورڈ کا کہنا ہے کہ ان اقدامات کا مقصد لیگ میں شفافیت، مسابقت اور نوجوان کھلاڑیوں کو آگے لانا ہے۔