ایران نے امریکا کے ساتھ امن مذاکرات کے لیے شرائط نرم کر دیں: امریکی اخبار

وال اسٹریٹ جرنل کی رپورٹ کے مطابق ایران نے پاکستان کے ذریعے امریکا کو 14 نکاتی تجاویز ارسال کی ہیں، جن میں ناکہ بندی کے فوری خاتمے کے مطالبے سے دستبرداری بھی شامل ہے۔ ایران نے امریکا کی رضا مندی کی صورت میں آئندہ ہفتے پاکستان میں مذاکرات کرنے پر آمادگی ظاہر کی ہے۔ تاہم، ان تجاویز میں واضح کیا گیا ہے کہ جوہری اور میزائل پروگرام بات چیت کا حصہ نہیں ہوں گے۔ دوسری جانب صدر ڈونلڈ ٹرمپ نے دوٹوک الفاظ میں کہا ہے کہ جب تک مقاصد حاصل نہیں ہو جاتے، امریکا اس تنازع سے پیچھے نہیں ہٹے گا۔