معرکہ حق کی کامیابی کا سال مکمل، پنجاب اسمبلی میں تہنیتی قرارداد

پنجاب اسمبلی میں جمع کرائی گئی قرارداد کے متن میں کہا گیا ہے کہ آج کا دن اس تاریخی واقعے کی یاد دلاتا ہے جب پاکستان کے محافظوں نے دشمن کی جارحیت کا بھرپور جواب دیتے ہوئے ملکی دفاع کو ناقابلِ تسخیر ثابت کیا۔ قرارداد میں معرکہ حق کو ایک فیصلہ کن ردعمل قرار دیا گیا ہے جس نے بھارت کے مذموم عزائم اور سرحد پار خطرات کو ناکام بنایا۔ متن میں اس بات پر زور دیا گیا ہے کہ گزشتہ ایک سال کے دوران سیاسی اور عسکری قیادت نے مل کر قومی سلامتی کو مضبوط بنایا ہے۔