LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن دبئی میں عالمی مائننگ شو اختتام پذیر، بین الاقوامی سرمایہ کاری اور نئی شراکت داریوں پر خصوصی توجہ عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل

مودی حکومت عالمی پانی قوانین کی کھلی خلاف ورزی کی مرتکب ہے: عظمیٰ بخاری

Web Desk

6 July 2026

وزیر اطلاعات پنجاب عظمیٰ بخاری نے سندھ طاس معاہدے (Indus Waters Treaty) سے متعلق بھارتی رویے پر سخت ردعمل کا اظہار کرتے ہوئے کہا ہے کہ بھارت کی حکمران جماعت ‘بھارتیہ جنتا پارٹی’ (بی جے پی) ایک فسطائی حکومت کے طور پر رویہ اختیار کیے ہوئے ہے۔

اپنے ایک اہم بیان میں صوبائی وزیر اطلاعات نے کہا کہ بی جے پی اس غلط فہمی میں مبتلا ہے کہ وہ سندھ طاس معاہدے اور پانی کی تقسیم کے مسلمہ عالمی قوانین کی کھلم کھلا خلاف ورزی کر سکتی ہے اور بھارتی حکومت یہ سمجھتی ہے کہ اس جارحیت پر اس کی کوئی بازپرس نہیں ہو سکے گی۔ انہوں نے واضح کیا کہ یہ نریندر مودی اور ان کے حامیوں کی بہت بڑی بھول ہے، بھارت کو اچھی طرح یاد ہونا چاہیے کہ پاکستان ماضی میں بھی اس کی ایسی کئی غلط فہمیاں دور کر چکا ہے۔

دریائے سندھ پاکستان کی بقا کا ضامن عظمیٰ بخاری نے پانی کے مسئلے کو پاکستان کی سلامتی سے جوڑتے ہوئے کہا کہ دریائے سندھ پاکستان کی زراعت، معاشی ترقی اور بقا کا ضامن ہے۔ انہوں نے دوٹوک انداز میں برصغیر کے اس اہم ترین معاملے پر مؤقف اختیار کیا کہ دریائے سندھ پر کسی بھی قسم کا چیلنج یا شب خون مارنا براہِ راست پاکستان کی سالمیت کو چیلنج کرنے کے مترادف ہے، جسے ریاستِ پاکستان اور اس کے عوام ہرگز برداشت نہیں کریں گے۔