امریکا، ایران مذاکرات کا اگلا دور 11 جولائی کو پاکستان میں متوقع: العربیہ

بین الاقوامی خبر رساں ادارے ‘العربیہ ٹی وی’ کی رپورٹ کے مطابق، امریکا اور ایران کے درمیان براہِ راست مذاکرات کا اگلا انتہائی اہم دور 11 جولائی کو پاکستان میں متوقع ہے، جس میں دونوں ممالک کے درمیان دیرینہ اور اہم امور پر تفصیلی بات چیت کی جائے گی۔

رپورٹ میں سفارتی ذرائع کے حوالے سے بتایا گیا ہے کہ پاکستان کی میزبانی میں ہونے والے ان مذاکرات کے دوران ایران پر عائد اقتصادی پابندیوں، دنیا بھر میں ایران کے منجمد اثاثوں کی بحالی اور ایرانی جوہری پروگرام سے متعلق انتہائی حساس معاملات زیرِ بحث آئیں گے۔

العربیہ کی رپورٹ کے مطابق، ان مذاکرات میں شرکت کرنے والے ایرانی وفد کی قیادت کے حوالے سے حتمی فیصلہ ایران کے سپریم لیڈر آیت اللہ علی خامنہ ای کی تدفین کے بعد کیا جائے گا۔ رپورٹ میں مزید واضح کیا گیا ہے کہ ایرانی وفد کی نمائندگی اور ارکان کے ناموں کے بارے میں باضابطہ اور حتمی اعلان تدفین کی تمام تر سرکاری کارروائی مکمل ہونے کے بعد ہی متوقع ہے۔