جنگ بندی کیلئے واشنگٹن، اسلام آباد اور تہران کے درمیان مذاکرات جاری ہیں: عالمی میڈیا

عالمی میڈیا کی رپورٹس کے مطابق واشنگٹن، اسلام آباد اور تہران کے درمیان تجاویز کا تبادلہ ہو رہا ہے اور فریقین اپنی ‘ریڈ لائنز’ پر تبادلہ خیال کر رہے ہیں۔ امریکہ کا اصرار ہے کہ کسی بھی دوسرے نکتے سے قبل ایران کے ایٹمی پروگرام پر بات کی جائے، جبکہ ایران کا بنیادی مطالبہ ہے کہ اس کی سمندری ناکہ بندی فوری طور پر ختم کی جائے۔ اگرچہ مذاکرات میں پیش رفت کا روشن امکان موجود ہے، تاہم یہ خدشہ بھی برقرار ہے کہ کوئی بھی ناخوشگوار واقعہ اس عمل کو سبوتاژ کر کے تنازع کو دوبارہ بڑھا سکتا ہے۔