پاکستان شاندار ملک، شہباز شریف اور فیلڈ مارشل شاندار شخصیات ہیں: ٹرمپ

امریکی صدر ڈونلڈ ٹرمپ نے صحافیوں سے گفتگو کرتے ہوئے پاکستان کو ایک شاندار ملک قرار دیا اور پاکستانی وزیراعظم و فیلڈ مارشل کی شخصیات کو سراہا ہے۔ دوسری جانب، صدر ٹرمپ نے آبنائے ہرمز میں ایرانی حملوں پر سخت ردِعمل دیتے ہوئے کہا کہ ایران نے امریکی بحری جہازوں پر میزائلوں اور ڈرونز سے حملہ کیا، تاہم امریکی جنگی جہازوں کو کوئی نقصان نہیں پہنچا اور انہوں نے جوابی کارروائی میں ایرانی ڈرونز اور کشتیاں تباہ کر دی ہیں۔ ٹرمپ کا دعویٰ ہے کہ ایران میں اب تیسری رجیم سے ڈیل کی جا رہی ہے اور اگر ایران نے معاہدہ نہ کیا تو اس کے خلاف مزید سخت کارروائی کی جائے گی۔