فیلڈ مارشل عاصم منیر شہید خامنہ ای کی نماز جنازہ کیلئے تہران پہنچ گئے

پاکستان کے عسکری سربراہ سید عاصم منیر ایران کے سابق رہبرِ اعلیٰ آیت اللہ علی خامنہ ای کی نمازِ جنازہ میں شرکت کے لیے ایران کے دارالحکومت تہران پہنچ گئے ہیں۔

تہران کے بین الاقوامی ایئرپورٹ پر آمد پر ایران کے اعلیٰ عسکری و سیاسی حکام نے ان کا شاندار استقبال کیا۔ استقبال کرنے والوں میں ایرانی وزیر دفاع بریگیڈیئر جنرل سید ماجد ابن رضا اور وزیر داخلہ سکندر مومنی شامل تھے۔ اس موقع پر پاکستان کے وزیر داخلہ محسن نقوی بھی ایئرپورٹ پر موجود تھے۔

ایران کے سپریم لیڈر کی وفات پر پاکستان کی جانب سے یکجہتی کے اظہار کے لیے متعدد اعلیٰ سطح کے وفود تہران پہنچ چکے ہیں۔ چیئرمین سینیٹ سید یوسف رضا گیلانی کی سربراہی میں بھی ایک خصوصی وفد تعزیت اور نمازِ جنازہ میں شرکت کے لیے تہران پہنچا ہے۔

علاوہ ازیں، وزیراعظم محمد شہباز شریف کی قیادت میں پاکستان کا مرکزی سیاسی وفد بھی آخری رسومات میں شریک ہو رہا ہے۔ اس وفد میں اسپیکر قومی اسمبلی سردار ایاز صادق، نائب وزیراعظم و وزیر خارجہ محمد اسحاق ڈار، وزیرِ اطلاعات عطا اللہ تارڑ، پاکستان پیپلز پارٹی کے چیئرمین بلاول بھٹو زرداری، پیپلز پارٹی کے سیکرٹری جنرل نیّر حسین بخاری اور وزیرِاعلیٰ سندھ سید مراد علی شاہ شامل ہیں، جو پاکستانی عوام اور حکومت کی جانب سے برادر ملک ایران کے ساتھ اس عظیم قومی سانحے پر گہرے غم اور یکجہتی کا اظہار کریں گے۔