سندھ ہائیکورٹ: بانی پی ٹی آئی کے وکالت نامے پر دستخط نہ کرانے پر سپرنٹنڈنٹ اڈیالہ جیل کو نوٹس

سندھ ہائیکورٹ کے جسٹس خادم حسین سومرو نے بانی پی ٹی آئی کے وکالت نامے پر جیل حکام کی جانب سے دستخط نہ کرانے کے خلاف دائر درخواست پر سماعت کی۔ وکیل خالد یوسف چوہدری نے عدالت کو بتایا کہ وہ پانچ بار اڈیالہ جیل گئے لیکن حکام نے دستاویزات وصول کرنے سے انکار کر دیا، جبکہ کورئیر کے ذریعے بھیجے گئے وکالت ناموں کی وصولی سے بھی مکر گئے ہیں۔ وکیل نے موقف اختیار کیا کہ جیل حکام کا رویہ غیر قانونی ہے اور یہ عمل جیل مینوئل سمیت بین الاقوامی ‘نیلسن منڈیلا رولز’ کی خلاف ورزی ہے۔ عدالت نے لاہور ہائیکورٹ کے فیصلے کی نظیر اور وکیل کے دلائل سننے کے بعد سپرنٹنڈنٹ اڈیالہ جیل کو نوٹس جاری کرتے ہوئے تفصیلی جواب طلب کر لیا اور کیس کی سماعت 25 مئی تک ملتوی کر دی۔