ریڈ لائن بی آر ٹی کراچی کے مستقبل کی شہ رگ ہے؛ کام شروع ہونے کے بعد جلد واضح بہتری نظر آئے گی، شرجیل میمن

صوبائی وزیر شرجیل انعام میمن نے ریڈ لائن بی آر ٹی کو کراچی کے لیے ایک ناگزیر منصوبہ قرار دیتے ہوئے کہا ہے کہ یہ شہر کے مستقبل کی شہ رگ کی حیثیت رکھتا ہے۔ انہوں نے شہریوں کو یقین دہانی کرائی کہ منصوبے پر کام کی دوبارہ شروعات کے دو سے تین ماہ کے اندر واضح بہتری محسوس کی جائے گی۔ حکومت کی کوشش ہے کہ زیرِ تعمیر حصوں کو مرحلہ وار بحال کر کے ٹریفک کے لیے کھولا جائے تاکہ عوام کی سفری مشکلات میں کمی آ سکے۔ شرجیل میمن نے مزید کہا کہ حکومت کو میگا پروجیکٹس کی وجہ سے ہونے والی عارضی تکلیف کا احساس ہے، تاہم اس کا مقصد شہریوں کو جدید، ماحول دوست اور معیاری سفری سہولیات فراہم کرنا ہے۔