سینیٹ اجلاس؛ بشریٰ بی بی کی صحت اور جیل سہولیات پر اپوزیشن کا احتجاج

سینیٹ اجلاس کے دوران پی ٹی آئی کی سینیٹر فوزیہ ارشد نے بشریٰ بی بی کی قید اور ان کے علاج کے طریقہ کار پر شدید تنقید کرتے ہوئے سوال اٹھایا کہ فیملی کو بتائے بغیر رات کی تاریکی میں علاج کیوں کیا جا رہا ہے۔ انہوں نے اڈیالہ جیل کے دورے کے لیے پارلیمانی کمیٹی بنانے کی تجویز بھی پیش کی۔ دوسری جانب وفاقی وزیر طارق فضل چوہدری نے ان الزامات کی تردید کرتے ہوئے کہا کہ بشریٰ بی بی عدالتی کسٹڈی میں ہیں اور جیل مینوئل کے مطابق ان کا علاج کیا جا رہا ہے۔ انہوں نے واضح کیا کہ میڈیکل ایمرجنسی کسی بھی وقت ہو سکتی ہے اور حکومت فوری علاج کی فراہمی میں کوئی کسر نہیں چھوڑ رہی۔