LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

آئی پی پی میں شمولیت کرنیوالوں میں سب سے بڑا نام سردار تنویرالیاس کا ہے: رانا ثناء اللہ

Web Desk

3 July 2026

وزیر اعظم کے مشیر برائے سیاسی امور اور سینیٹر رانا ثناء اللہ نے سماء ٹی وی کے پروگرام ’’میرے سوال وِد ابصار عالم‘‘ میں خصوصی گفتگو کرتے ہوئے کہا ہے کہ استحکامِ پاکستان پارٹی (آئی پی پی) میں شمولیت اختیار کرنے والوں میں سب سے بڑا نام آزاد کشمیر کے سابق وزیر اعظم سردار تنویر الیاس کا ہے، جو وہاں کی سیاست میں کافی سرگرم تھے۔ ان کے جانے سے پیپلز پارٹی کو نقصان پہنچنے کا اندیشہ ہے۔

رانا ثناء اللہ نے مزید تفصیلات بتاتے ہوئے کہا کہ آزاد کشمیر کی سیاست میں پیپلز پارٹی کو ہونے والے اس نقصان کا فائدہ مسلم لیگ (ن) کو پہنچ سکتا ہے۔ سینیٹر فیصل واوڈا کے حالیہ بیانات پر تبصرہ کرتے ہوئے انہوں نے طنزاً کہا کہ فیصل واوڈا ایک انقلابی لیڈر ہیں اور یہ بعید نہیں کہ وہ ملک میں انقلاب لانے کے لیے ایسی باتیں کریں۔ ان کی انقلابی جدوجہد جاری ہے، اللہ کرے کہ وہ انقلاب لے آئیں۔

کابینہ اور حکومت میں تبدیلی کی افواہوں کو مسترد کرتے ہوئے وزیر اعظم کے مشیر نے واضح کیا کہ وزارتوں میں تبدیلی کا مطلب حکومت میں تبدیلی نہیں ہوتا، بلکہ وزارتوں میں ردوبدل کرنا خالصتاً وزیر اعظم کا آئینی اختیار ہے۔ اگر وزیر اعظم کسی بھی وزیر کی کارکردگی سے خوش نہیں ہیں تو وہ اسے تبدیل کر سکتے ہیں، اور ایسی باتیں کرنے والے خود تسلیم کرتے ہیں کہ یہ ان کا صرف ایک اندازہ ہے۔ انہوں نے دوٹوک انداز میں کہا کہ مسلم لیگ (ن) کی حکومت اپنی مقررہ آئینی مدت پوری کرے گی اور پاکستان میں جس وجہ سے حکومتیں تبدیل ہوتی ہیں، اگر کوئی اس کا ثبوت پیش کرے تو ہم اسے دیکھیں گے، کسی کی محض رائے پر کوئی تجزیہ یا فیصلہ نہیں کیا جا سکتا۔

نائب وزیر اعظم و وزیر خارجہ اسحاق ڈار کے حوالے سے بات کرتے ہوئے رانا ثناء اللہ نے کہا کہ اسحاق ڈار کا نام کسی بھی اسکینڈل سے جوڑنا سراسر بے بنیاد ہے۔ جس کیس کا حوالہ دیا جا رہا ہے، اس میں اسحاق ڈار کے خلاف ٹھوس ثبوت سامنے لایا جائے۔ انہوں نے کہا کہ پولیس نے واقعے کا مقدمہ قانون کے مطابق درج کیا ہے، لہٰذا مسلم لیگ (ن) یا موجودہ حکومت کا اس کیس پر اثر انداز ہونے کا کوئی بھی ثبوت پیش کیا جائے۔