پنجاب حکومت کا مدارس رجسٹریشن ایکٹ میں ترامیم لانے کا فیصلہ

پنجاب حکومت نے مدارس کی رجسٹریشن کے نظام کو سہل بنانے کے لیے مدارس رجسٹریشن ایکٹ میں ترامیم کا فیصلہ کیا ہے۔ ذرائع کے مطابق ان قانونی ترامیم کے تحت وفاق المدارس اور دیگر دینی بورڈز کے پاس پہلے سے رجسٹرڈ مدارس کو پنجاب میں دوبارہ رجسٹریشن کی ضرورت نہیں ہوگی۔ اس اقدام کا مقصد مدارس کو دوہری رجسٹریشن اور اضافی کاغذی کارروائی سے نجات دلانا ہے، جس کے لیے وفاقی اور صوبائی ڈیٹا کو آپس میں منسلک کیا جائے گا۔ علما کرام کی مشاورت سے تیار کردہ یہ مجوزہ ترامیم منظوری کے لیے صوبائی کابینہ کو ارسال کر دی گئی ہیں، جہاں محکمہ داخلہ پنجاب اس حوالے سے تفصیلی بریفنگ دے گا۔