پنجاب میں 13 سے 17 ستمبر تک دفعہ 144 نافذ، اجتماعات اور مظاہروں پر پابندی

حکومتِ پنجاب نے صوبے بھر میں امن و امان کی صورتِ حال کو برقرار رکھنے اور شہریوں کے جان و مال کے تحفظ کے پیشِ نظر 13 سے 17 ستمبر تک دفعہ 144 کے تحت مختلف سرگرمیوں پر مکمل پابندی عائد کر دی ہے۔ محکمہ داخلہ پنجاب کی جانب سے اس فیصلے کا باقاعدہ نوٹیفکیشن جاری کر دیا گیا ہے۔ حکام کے مطابق قانون نافذ کرنے والے اداروں اور انٹیلی جنس ایجنسیوں کی جانب سے حساس رپورٹیں موصول ہوئی تھیں، جن میں کالعدم دہشت گرد تنظیموں کی طرف سے عوامی اجتماعات اور ریلیوں کو نشانہ بنانے کے خدشات کی نشاندہی کی گئی تھی۔

نوٹیفکیشن کی رو سے صوبے کے کسی بھی حصے میں عوامی مقامات، شاہراہوں یا کھلی جگہوں پر 5 یا 5 سے زائد افراد کے اکٹھا ہونے، جلوس، جلسے، دھرنے اور مظاہروں پر سخت پابندی ہوگی۔ اس کے علاوہ ہر قسم کے ہتھیاروں کی نمائش اور غیر قانونی اجتماعات کے لیے اکسانے والوں کے خلاف بھی سخت قانونی کارروائی کا حکم دیا گیا ہے۔ تاہم محکمہ داخلہ نے واضح کیا ہے کہ اس پابندی کا اطلاق مساجد و دیگر عبادت گاہوں، نمازِ جنازہ، تدفین، شادی کی تقریبات، عدالتوں، سرکاری دفاتر اور انتظامی اجازت نامے