صدرِ مملکت نے اوگرا ترمیمی آرڈیننس 2026ء پر دستخط کر دیے

صدرِ مملکت آصف علی زرداری نے اوگرا (اوائل اینڈ گیس ریگولیٹری اتھارٹی) ترمیمی آرڈیننس 2026ء پر دستخط کر دیے ہیں، جس کے بعد یہ آرڈیننس فوری طور پر نافذ العمل ہو گیا ہے۔

ایوانِ صدر سے جاری ہونے والے باقاعدہ اعلامیے کے مطابق، صدرِ مملکت نے اوگرا آرڈیننس 2002ء کی دفعات 2 اور 3 میں ترمیم سے متعلق آرڈیننس جاری کیا ہے۔ اعلامیے میں مزید واضح کیا گیا ہے کہ صدرِ مملکت آصف علی زرداری نے یہ ترمیمی آرڈیننس وزیرِ اعظم میاں محمد شہباز شریف کے مشورے (ایڈوائس) پر آئینی اختیارات کو استعمال کرتے ہوئے جاری کیا ہے۔ اس ترمیم کے بعد اوگرا کے تنظیمی و انتظامی امور میں اہم تبدیلیاں متوقع ہیں۔