آیت اللہ علی خامنہ ای کی نماز جنازہ میں شرکت کیلئے وزیراعظم رواں ہفتے ایران کا دورہ کریں گے

وزیراعظم شہباز شریف ایران کے سپریم لیڈر آیت اللہ علی خامنہ ای کی نمازِ جنازہ اور تعزیتی تقریب میں شرکت کے لیے جولائی کے پہلے ہفتے میں ایران کا اہم دورہ کریں گے۔

ذرائع کے مطابق، وزیراعظم شہباز شریف اپنے اس دورے کے دوران تہران میں مرحوم سپریم لیڈر کی نمازِ جنازہ میں شرکت کریں گے اور ایرانی قیادت سے ملاقاتیں کریں گے۔ ایران کا یہ اہم دورہ مکمل کرنے کے بعد وزیراعظم شہباز شریف براہِ راست ترکیے کے لیے روانہ ہوں گے، جہاں وہ ترک قیادت سے ملاقاتیں کریں گے۔

دوسری جانب، مجلس شوریٰ اسلامی ایران (ایرانی پارلیمنٹ) کے اسپیکر محمد باقر قالیباف نے اسپیکر قومی اسمبلی سردار ایاز صادق کے نام ایک باقاعدہ خط ارسال کیا ہے، جس میں انہیں 3 جولائی 2026 کو تہران میں منعقد ہونے والی آیت اللہ علی خامنہ ای کی تعزیتی تقریب میں شرکت کی باضابطہ دعوت دی گئی ہے۔

اپنے خط میں ایرانی اسپیکر نے پاکستانی عوام، اسپیکر ایاز صادق اور پاکستانی پارلیمنٹ کے ارکان کے لیے نیک خواہشات کا اظہار کیا۔ انہوں نے اس بات پر زور دیا کہ ایران دونوں برادر ممالک کے درمیان عزت، وقار اور باہمی تعاون کے تاریخی رشتوں کو مستقبل میں مزید مضبوط بنانے کا خواہاں ہے۔