امید ہے کہ ایران امریکا بات چیت جلد دیرپا امن میں بدلے گی: وزیر اعظم

وزیراعظم شہباز شریف نے پاکستان علمائے کونسل کے زیر اہتمام منعقدہ کانفرنس سے خطاب کرتے ہوئے کہا کہ 1979 کے بعد یہ پہلا موقع ہے کہ امریکی اور ایرانی قیادت نے اسلام آباد میں آمنے سامنے بیٹھ کر مذاکرات کیے ہیں۔ انہوں نے اس امید کا اظہار کیا کہ یہ بات چیت جلد ایک دیرپا امن معاہدے میں تبدیل ہوگی جس سے مزید جانی نقصان کا خدشہ ختم ہو جائے گا۔ وزیراعظم نے واضح کیا کہ پاکستان کی دعوت پر دونوں ممالک کا ایک پلیٹ فارم پر آنا عالمی سطح پر ملک پر بڑھتے ہوئے اعتماد کا ثبوت ہے اور یہ کامیابی حکمت عملی، اخلاص اور پختہ عزم کا نتیجہ ہے۔