وزیراعظم شہباز شریف کی ترکیہ میں تباہ کن سیلاب پر ترک صدر و عوام سے تعزیت

وزیراعظم شہباز شریف نے سوشل میڈیا پلیٹ فارم ‘ایکس’ پر اپنے پیغام میں ترکیہ کے صوبوں غازی عنتاب، شانلی عرفہ اور ادیامان میں حالیہ سیلاب سے ہونے والے قیمتی جانوں اور املاک کے نقصان پر دلی افسوس کا اظہار کیا ہے۔ انہوں نے ترک صدر رجب طیب اردوان اور برادر ملک کے عوام سے تعزیت کرتے ہوئے کہا کہ پاکستان اس مشکل گھڑی میں اپنے ترک بہن بھائیوں کے ساتھ کھڑا ہے۔ وزیراعظم نے متاثرہ خاندانوں سے ہمدردی کا اظہار کیا اور ترکیہ کی امدادی و بحالی کی کوششوں میں ہر ممکن انسانی اور مادی معاونت فراہم کرنے کی پیشکش بھی کی۔