وزیراعظم کی ملک بھر میں ‘آسان خدمت مراکز’ قائم کرنے کی ہدایت

وزیراعظم محمد شہباز شریف کی زیر صدارت وزارتِ انفارمیشن ٹیکنالوجی و ٹیلی کام کا اہم جائزہ اجلاس منعقد ہوا، جس میں ملک میں آئی ٹی کے فروغ اور برآمدات میں اضافے کے لیے اہم فیصلے کیے گئے۔ وزیراعظم نے واضح کیا کہ آئی ٹی کے شعبے کا فروغ اور برآمدات میں اضافہ حکومت کی اولین ترجیح ہے، کیونکہ پاکستانی نوجوانوں میں اس حوالے سے بے پناہ استعداد موجود ہے۔اجلاس کو بریفنگ دیتے ہوئے بتایا گیا کہ اس مالی سال پاکستان سے 4.5 سے 4.6 بلین امریکی ڈالرز کی آئی ٹی برآمدات متوقع ہیں۔ مزید برآں، ملک میں گھریلو انٹرنیٹ کنکشنز کی تعداد میں حیران کن اضافہ ہوا ہے، جو 2024 میں 1.9 ملین سے بڑھ کر 2026 میں 5.10 ملین تک پہنچ چکی ہے۔بریفنگ میں بتایا گیا کہ حال ہی میں پاکستان میں 5G سروسز کے لیے ہونے والی نیلامی 2016 کے بعد دنیا کی سب سے بڑی نیلامی ثابت ہوئی، جس سے حکومت کو 509 ملین امریکی ڈالرز کا ریونیو حاصل ہوا۔ مصنوعی ذہانت کے حوالے سے فروری 2026 میں منعقدہ ‘انڈس اے آئی ویک’ کی کامیابی کا بھی ذکر کیا گیا، جس میں 100 سے زائد بین الاقوامی مندوبین نے شرکت کی۔وزیراعظم نے گلگت بلتستان، آزاد جموں و کشمیر اور تمام صوبوں میں ‘آسان خدمت مراکز’ کے قیام کے عمل کو تیز کرنے کی

اسلام آباد کے سرکاری اسکولوں اور ہیلتھ یونٹس کو فائبر کنیکٹیویٹی فراہم کر دی گئی ہے۔اسلام آباد میں فری انٹرنیٹ ہاٹ اسپاٹس کا کام آخری مرحلے میں ہے۔سید پور ماڈل ویلج اور فاطمہ جناح پارک میں ای-لرننگ پاڈز (E-learning pods) نصب کیے جا رہے ہیں۔اجلاس میں وفاقی وزراء احسن اقبال، اعظم نذیر تارڑ، احد خان چیمہ، شزا فاطمہ، بلال اظہر کیانی اور اعلیٰ سرکاری حکام نے شرکت کی۔ وزیراعظم نے تاکید کی کہ آئی ٹی کے شعبے میں شہری اور دیہی علاقوں کے فرق کو ختم کرنے کے لیے ضلعی سطح پر تعاون کو یقینی بنایا جائے۔