وزیراعظم کی امارات میں میزائل اور ڈرون حملوں کی مذمت، جنگ بندی کے احترام کا مطالبہ

وزیراعظم شہباز شریف نے اپنے ایک بیان میں متحدہ عرب امارات کے شہری بنیادی ڈھانچے کو نشانہ بنانے والے حالیہ حملوں کی سخت الفاظ میں مذمت کی ہے اور صدر شیخ محمد بن زاید النہیان کے ساتھ یکجہتی کا اظہار کیا ہے۔ انہوں نے اس بات پر زور دیا کہ خطے میں پائیدار امن کے لیے جنگ بندی کا احترام اور سفارت کاری نہایت ضروری ہے۔ دوسری جانب متحدہ عرب امارات کی وزارتِ دفاع کے مطابق ایران کی جانب سے داغے گئے چار میزائلوں کو ناکام بنا دیا گیا ہے، جن کا ہدف ابوظہبی کی اہم تنصیبات تھیں۔ اس کشیدگی کے باعث دبئی اور شارجہ میں فلائٹ آپریشن عارضی طور پر معطل کر دیا گیا ہے۔