جموں و کشمیر اور گلگت کی ترقی، عوامی فلاح کیلئے تمام اقدامات کرینگے: وزیراعظم

وزیراعظم محمد شہباز شریف نے واشگاف الفاظ میں عزم ظاہر کیا ہے کہ جموں و کشمیر اور گلگت بلتستان کی تعمیر و ترقی، خوشحالی اور عوامی فلاح و بہبود کے لیے تمام ممکنہ وسائل بروئے کار لائے جائیں گے۔ انہوں نے یہ بات وفاقی وزیر برائے امورِ کشمیر و گلگت بلتستان انجینئر امیر مقام سے ایک اہم ملاقات کے دوران کہی، جس میں ملک کی مجموعی سیاسی صورتحال پر تفصیلی تبادلہ خیال کیا گیا۔ وزیراعظم نے ہدایت کی کہ عوامی خدمت کے ایجنڈے کو مزید تیزی سے آگے بڑھایا جائے اور عوامی مسائل کے حل کو ہر صورت اولین ترجیح دی جائے۔ اس موقع پر وفاقی وزیر رانا مبشر اقبال، وزیر مملکت عبدالرحمٰن خان کانجو اور وزیراعظم کے معاون خصوصی طلحہ برکی بھی موجود تھے۔