وزیراعظم کی نوازشریف سے ملاقات، ملکی صورتحال اورسفارتی کوششوں پر بریفنگ، مریم نواز بھی موجود

وزیرِ اعظم  شہباز شریف نے جاتی امراء میں  قائد مسلم لیگ ن اور سابق وزیراعظم  میاں محمد نواز شریف سے ملاقات کی۔ وزیراعلیٰ پنجاب مریم نواز بھی ملاقات میں موجود تھیں۔

وزیرِ اعظم  نے میاں نواز شریف کو ملکی صورتحال کے حوالے بریف کیا، وزیرِ اعظم نے میاں نوازشریف کو مشرق وسطیٰ کی صورتحال اور پاکستان کی قیام امن کے لیے سفارتی کوششوں سے بھی آگاہ کیا۔

وزیرِ اعظم نے عالمی منڈی میں تیل کی قیمتوں اور عوامی ریلیف کےلیے حکومت کے اقدامات پر بھی میاں نواز شریف کو اعتماد میں لیا، ملاقات میں ملکی سیاسی صورتحال پر بھی تبادلہ خیال ہوا۔