ایران کے سپریم لیڈر اور رہبرِ معظم آیت اللہ علی خامنہ ای کی نمازِ جنازہ میں شرکت اور تعزیت کے لیے پاکستان کی اہم سیاسی، مذہبی، سماجی اور میڈیا سے وابستہ سرکردہ شخصیات تہران پہنچ گئیں

ایران کے سپریم لیڈر اور رہبرِ معظم آیت اللہ علی خامنہ ای کی نمازِ جنازہ میں شرکت اور تعزیت کے لیے پاکستان کی اہم سیاسی، مذہبی، سماجی اور میڈیا سے وابستہ سرکردہ شخصیات تہران پہنچ گئی ہیں۔

پاکستان سے جانے والے اعلیٰ سطحی وفد میں چیئرمین سینیٹ یوسف رضا گیلانی، گورنر خیبر پختونخوا فیصل کریم کنڈی، اور قائد ملت جعفریہ پاکستان علامہ سید ساجد علی نقوی تہران پہنچ چکے ہیں۔ ان کے ہمراہ نائب امیر جماعت اسلامی لیاقت بلوچ، سیکرٹری جنرل شیعہ علماء کونسل علامہ شبیر میثمی، اور علامہ افتخار نقوی بھی ایران پہنچے ہیں۔

رپورٹ کے مطابق آصف لقمان قاضی اور سربراہ بیداریِ امت علامہ جواد نقوی بھی نمازِ جنازہ میں شریک ہوں گے، جبکہ وزیراعظم میاں شہباز شریف کی سربراہی میں ایک اعلیٰ حکومتی وفد بھی ایرانی قیادت اور عوام سے یکجہتی اور تعزیت کے اظہار کے لیے تہران روانہ ہوگا۔ پاکستان کی تمام سیاسی و مذہبی قیادت کی تہران میں موجودگی اس غم کے موقع پر پاک-ایران گہرے برادرانہ تعلقات کی عکاس ہے۔