پاکستانی کیڈٹ نے آسٹریلیا میں ’بہترین غیر ملکی فوجی کیڈٹ‘ کا اعزاز حاصل کر لیا

پاکستانی فوج کے کیڈٹ سَردار ارسام عباس نے آسٹریلین رائل ملٹری کالج کینبرا میں منعقدہ پاسنگ آؤٹ پریڈ کے دوران ’اوورآل بیسٹ فارن ملٹری کیڈٹ‘ کا اعزاز حاصل کر کے ملک و قوم کا سر فخر سے بلند کر دیا ہے۔ 5 مئی 2026 کو ہونے والی اس تقریب میں ان کی اعلیٰ پیشہ ورانہ مہارت اور تربیتی معیار کو تسلیم کرتے ہوئے یہ اعزاز دیا گیا۔ آئی ایس پی آر کے مطابق، سَردار ارسام عباس (PMA 152 لانگ کورس) کی یہ کامیابی پاکستان آرمی کی جونیئر لیڈرشپ کے بلند معیار اور عزم کی عکاس ہے۔ تقریب کی نگرانی آسٹریلین آرمی کے سربراہ لیفٹیننٹ جنرل سائمون اسٹیورٹ نے کی۔