ہفتہ وار مہنگائی کی لہر برقرار؛ پیٹرول اور ڈیزل کی قیمتوں میں بڑے اضافے نے اشیاء ضروریہ کو مہنگا کر دیا

ہفتہ وار بنیادوں پر مہنگائی کی شرح میں اضافے کا سلسلہ جاری، اپریل کے آخری ہفتے بھی مہنگائی کی شرح صفراعشاریہ چھ دو فیصد بڑھ گئی ۔سالانہ بنیادوں پر مہنگائی بڑھنے کی شرح چودہ اعشاریہ پانچ دو فیصد کی سطح پر پہنچ گئی۔۔ایک ہفتے میں چودہ اشیاء ضروریہ مہنگی،تیرہ کی قیمتیں کم ہوئیں۔۔
ادارہ شماریات نے ہفتہ وار بنیادوں پر مہنگائی سے متعلق رپورٹ جاری کر دی۔۔ایک ہفتے میں ڈیزل تقریباً 8 فیصد پیٹرول 7اعشاریہ ایک آٹھ فیصد تک مہنگا ہوا۔گزشتہ ہفتے میں گندم کا آٹا 4اعشاریہ سات چار فیصد،آلو 1اعشاریہ تین نو فیصد تک مہنگے ہوئے۔
ادارہ شماریات کےمطابق ایک ہفتے میں بریڈ صفر اعشاریہ سات پانچ فیصد،دال مونگ صفراعشاریہ چھ ، چھ فیصد ،مٹن صفراعشاریہ چار پانچ ،بیف صفر اعشاریہ تین نو فیصد جبکہ کیلے صفراعشاریہ تین سات فیصد تک مہنگے ہوئے۔۔تازہ دودھ،دہی اور سگریٹس بھی مہنگی ہونے والی اشیاء میں شامل ہیں۔۔
ادارہ شماریات کی رپورٹ میں بتایا گیا ہے کہ ایک ہفتے میں ٹماٹر 17اعشاریہ ایک سات فیصد اور چکن 6 فیصد تک سستا ہوا،گزشتہ ہفتے لہسن دواعشاریہ تین آٹھ فیصد،دال ماش صفراعشاریہ نو آٹھ فیصد تک سستی ہوئی۔۔ایک ہفتے میں ایل پی جی گیس کی قیمتوں میں صفراعشاریہ آٹھ صفر فیصد کی کمی ہوئی،چاول ،انڈے اور دال مسور بھی سستی ہونے والی اشیاء میں شامل ہیں۔۔خشک دودھ،گڑ،نمک سمیت 24 اشیاء کی قیمتیں مستحکم رہیں۔۔