پاکستان اور ایران کا مشترکہ ٹرانسپورٹ کمیٹی فعال کرنے پر اتفاق
Web Desk
25 June 2026
پاکستان اور ایران نے دوطرفہ تجارتی حجم کو بڑھانے اور سمگلنگ و دیگر سرحدی مسائل کے تدارک کے لیے اپنی “مشترکہ ٹرانسپورٹ کمیٹی” کو فوری طور پر فعال کرنے پر اصولی اتفاق کر لیا ہے۔ ایران کی وزیر برائے ٹرانسپورٹ و شہری ترقی فرزانہ صادق اور پاکستان کے وفاقی وزیر مواصلات عبدالعلیم خان کے مابین اسلام آباد میں وفود کی سطح پر ایک اہم اور اعلیٰ سطح کا اجلاس منعقد ہوا۔
اس سٹریٹجک اجلاس میں وفاقی وزیر ریلوے حنیف عباسی، وزیرِ تجارت جام کمال اور وزیرِ بحری امور جنید انوار چوہدری سمیت پاک ایران تعلقات سے منسلک دونوں ممالک کے سینئر سویلین اور عسکری حکام نے بھی شرکت کی۔
ملاقات کے دوران دونوں ممالک کے مابین زمینی روابط کی مضبوطی، بنیادی ڈھانچے (انفراسٹرکچر) کی بہتری اور تجارتی پراجیکٹس پر تفصیلی تبادلۂ خیال کیا گیا
وفاقی وزیر مواصلات عبدالعلیم خان نے واضح کیا کہ پاکستان اور ایران کے مابین زمینی راستوں اور روابط کی مضبوطی سے دونوں برادر ممالک کے لیے نئے تجارتی مواقع پیدا ہوں گے۔ انہوں نے اس بات پر زور دیا کہ ٹرانسپورٹ، لاجسٹکس اور کسٹمز سے متعلقہ تمام مسائل کو فوری اور ترجیحی بنیادوں پر حل کیا جائے گا۔ اجلاس میں پاک ایران سرحد پر مال بردار ٹرکوں اور کنٹینرز کی کلیئرنس میں تاخیر کا اہم معاملہ بھی اٹھایا گیا۔ فریقین نے بارڈر کراسنگز پر موجود تمام حل طلب انتظامی و سکیورٹی مسائل کو مشترکہ اقدامات اور مربوط حکمتِ عملی کے ذریعے دور کرنے کا عزم ظاہر کیا۔
اجلاس کے دوران ایرانی وزیر فرزانہ صادق نے حالیہ علاقائی کشیدگی کے تناظر میں جنگ رکوانے اور خطے میں امن معاہدے کے قیام کے لیے پاکستان کے مثبت، متوازن اور برادرانہ سفارتی کردار کو سراہتے ہوئے حکومتِ پاکستان کا خصوصی طور پر شکریہ ادا کیا۔ دونوں ممالک کے مابین اس ٹرانسپورٹ کمیٹی کے فعال ہونے سے مستقبل میں اقتصادی تعاون اور مال بردار گاڑیوں کی محفوظ نقل و حرکت کو نئی لہر ملنے کی قوی امید ظاہر کی جا رہی ہے۔
متعلقہ عنوانات
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل
18 November 2026
مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے
18 November 2026
روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی
18 November 2026
ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک
18 November 2026
ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور
18 November 2026
دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے
18 November 2026
امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران
18 November 2026
آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا
18 November 2026