اسحاق ڈار اور عباس عراقچی میں رابطہ، بات چیت سے مسائل حل کرنے پر زور

پاکستانی وزیر خارجہ اسحاق ڈار اور ان کے ایرانی ہم منصب سید عباس عراقچی کے درمیان ٹیلیفونک گفتگو ہوئی جس میں علاقائی پیش رفت اور سکیورٹی صورتحال پر بات چیت کی گئی۔ ایرانی وزیر خارجہ نے خطے میں تناؤ کم کرنے اور مختلف فریقین کے درمیان مثبت و تعمیری کردار ادا کرنے پر پاکستان کی کاوشوں کو سراہا۔ اس موقع پر اسحاق ڈار نے واضح کیا کہ پاکستان خطے میں تعمیری روابط کے فروغ کے لیے اپنی کوششیں جاری رکھے گا اور مسائل کا پائیدار حل صرف مکالمے اور سفارت کاری کے ذریعے ہی ممکن ہے۔ دفتر خارجہ کے مطابق، پاکستان خطے میں کشیدگی کم کرنے کے لیے اپنا متحرک سفارتی کردار ادا کرتا رہے گا۔